|
 31
Oct 2007 Muqdisho - Cali Mahdi oo mar
Madaxweyne ka soo noqday Dalka Soomaaliya,
isla markaana ka mid ahaa Qab qablayaashii
Soomaaliya ayaa haatan damac weyn kaga jira
Xilka Ra'iisul Wasaarenimo ee uu baneeyay
Cali Maxamed Geeddi.
Tagitaanka Cali Mahdi ee Baydhabo ayaa ah
mid si weyn haatan loogu hadal hayo Baydhabo
iyo Muqdisho, iyadoona loo maleynayo in
Madaxweynuhu u magacaabo Ra'iisul Wasaaraha
Cusub, maanta uu ka soo jeeda Beelaha Hawiye.
Qorshaha hada socda ayaa waxa uu yahay in
Baarlamaanka uu meel mariyo waxyaabihii ka
soo baxay shirkii Dib u Heshiisiinta Qaran,
iyadoona go'aanada shirka ee horay la isu
afgartay lagu gaaray in Dibada laga soo xuli
karo xubnaha matala Dowladda, taasoo hada
Madaxweynuhu olole ba'an ugu jiro.
Madaxweynaha ayaa laga sugayaa in muddo 35
cisho gudahood ku magacaabo Ra'iisul Wasaare
cusub, oo sida la filayo ka soo jeeda
Beelaha Hawiye. |
Print
Email
