|
 31
Oct 2007 Muqdisho - Ugu yaraantii 2 burcad
badeed ah ayaa la dilay 5 kalana gacanta
ayaa lagu dhigay iyagoo bed qaba, kaddib
howlgal ay sameeyeen ciidamada Marineska
Ameerikaanka ee loo soo diray in ay la
dagaalamaan burcadda badda ee xeebaha
Soomaaliya.
Ganacsade Cali Gaabow Jiinow oo ka mida
ganacsatada markabkani uu u kireysnaa ayaa
saxaafada u sheegay in shaqaalaha markabku
ay u sheegeen in lasoo bad baadiyay oo is
rasaaseyna ay dhacday,taas oo keentay in ay
ciidamada mareykanku dilaan 2 burcad ah 5
kalana qabtaan.
Waxaa sidoo kale uu ganacsaduhu sheegay in
ay dhaawacmeen 3 ka mida shaqaalaha markabka
saaran oo haatana ay ciidamada badda
mareykanku ku dhex daweynayaan markabka
dagaal oo ay wataan, waxaase uu ka gaabsaday
in uu faafaahiyo bal in markabku dib ugu soo
laabanayo Muqdisho iyo in uu halkiisa kasii
soconayo.
Xilligan ayuu Ganacsade Cali Gabow jiinow
sheegay in markabka lagu hayo meel ilaa iyo
30 mile u jirta degmada Cadale ee gobalka
shabeelaha Dhexe,iyadoo burcaddana lagu hayo
gudaha markabka ay qafaasheen oo ay
marinesku ku ilaalinayaan. |
Print
Email
