|
30 Oct
2007 Baydhabo - Markab weyn oo shixnado
ganacsi ku dajiyay dekedda weyn ee magaalada
Muqdisho ayaa xalay fiidkii halkaasi ay ka
afduubteen ilaaladii saarneyd markabka xilli
markabka uu ka shiraacanayay dekedda.
Saraakiil ka tirsan dekedda magaalada
Muqdishoayaa sheegay , Markabkaan oo la
yiraahdo DIA HONGA DAN oo laga leeyahay
dalka South Korea ayaa waxaa afduubtay
ilaaladii saarneyd, lamana oga halka ay ula
dhaqaaqeen.
Markabkaan oo ka soo furtay dalka Brazil
ayaa waxa uu u rarnaa ganacsato Somaliyeed,
iyadoo uu noqonayo markabkii labaad oo lagu
afduubto xeebaha Somalia 24 kii saac ee la
soo dhaafay.
Markabkaan ayaa waxaa saaran 22 shaqaale ah
oo u dhashay dalalka Koofur bari ASIA.
Markab kale oo la yiraahdo MV Golden Mori oo
laga leeyahay dalka Panama ayaa shalay laga
afduubtay meel 8 mile u jirta xeebaha
Somalia sida ay sheegeen saraakiil dhinaca
badaha ah oo u waramay wakaalada wararka AFP.
Somalia Xeebaheeda ayaa waxa ay noqdeen
meelaha ugu Qatarsan biyo goboleedka
caalamka, iyadoo in ka badan 60 kiis oo
Afduubyo kala duwan ah ay ka dhaceen labadii
sano ee la soo dhaafay.
qafaalashada Markabkaan ayaa ku soo aadeysa
xili Markab Dagaal Marekankanka laga
leeyahay uu yimid Xeebaha Somalia si u
baacsadaa Burcad badeeda |
Print
Email
