|
 29
Oct 2007 Baydhabo - War deg deg ah oo hada
naga soo gaaray Magaalada Baydhabo ayaa
sheegaya in daqiiqado ka hor uu xilkii
Xafiiska Ra'iisul wasaarenimo isaga degay
Cali Maxamed Geeddi.
Xiriir ay shabakada Xamardaye.com la
sameysay Dad ku dhow dhow Madaxtooyada ayaa
u xaqiijiyay in daqiiqado ka hor uu Ra'iisul
Wasaare Geeddi uu gudbiyay istiqaalo uu ku
wareejinayo Xafiiska Ra'iisul wasaare.
Madaxweyne C/llaahi Yuusuf oo dhinac
fadhiyay Gudoomiyaha Baarlamaanka Sheekh
Aadan Madoobe ayaa ka gudoomay istiqaalada
uu isku casilay Cali Maxamed Geeddi.
Markii uu Prof. Geeddi uu gudbiyay
istaqaaladiisa ayaa isaga soo tagay Xarunta
Madaxtooyada oo kulan saacado qaatay uu kula
yeeshay Madaxweynaha iyo Gudoomiyaha
Baarlamaanka, wuxuuna Cali Geeddi usoo dhaq
dhaqaaqay dhinaca iyo Guriga uu Baydhabo ka
degan yahay.
Ilaa iyo hada wax war ah ma uusan siin
saxaafada oo ku aadan is casilaadiisii la
hadal hayay maalmahan, waxaana lagu wadaa in
saacadaha soo socda uu saxaafada la hadlo
|
Print
Email
