|
 28
Oct 2007 Muqdisho - Xaalada Guud ee
Caasimada Soomaaliya ee Muqdisho oo ay
shalay ka dhaceen dagaalo lagu hoobtay ayaa
xalay iyo saakay ku waabariistay degenaansho,
kadib dagaal xoogan oo shalay ka dhacay
qeybo ka mid ah Magaalada Muqdisho.
Ma jirin iska hor imaadyo iyo weeraro lagu
qaaday Fariisimaha Ciidamada Dowladda iyo
kuwa Ethiopia oo shalay dagaal ba'an ay kala
horyimaadeen kooxaha hubeysan, kaasoo
qasaaro kala duwan lagu gaarsiiyay Ciidamada
Dowladda iyo kuwa taageeraya ee Ethiopia.
Xaalada Magaalada ayaa u muuqata degenaansho,
balse waxaa jirta saan saan laga cabsi qabo
in ay dib u bilowdaan Dagaalo qaraar oo daba
socda kuwii shalay iyo habeen hore Magaalada
ka curtay
Waxaa saaka aanu jirin isu socodka gaadiidka
iyo dadweynaha, iyadoona qeybo ka mid ah
Magaalada ay ka socdaan barakac xoogan,
waxaase wali muuqanaya raadadkii dagaaladii
shalay.
Xaalada Degmada Hodan oo dagaalka ba'an uu
ka dhacay ayaa ah mid degan, iyadoo inta
badan wadooyinka soo gala Xaafadaha
Degmadaas ay haawanayaan.
Waxaa jira dhaq dhaqaaqyo ciidan oo laga
dareemayo fariisimaha Ciidamada Ethiopia,
kuwaasoo dhufeyso xoogan ku jira, hadana ma
jirto dhaq dhaqaaq kale oo ay fariisimahooda
ama dhufeysayadooda uga soo baxayaan.
Dadka Deegaanka ayaa shalay sheegay in
Ciidamada Ethiopia ay dad fara badan ku
xasuuqeen Xaafada Cali Kamiin, kadib markii
qasaaro lagu gaarsiiyay dagaal ay la galeen
Kooxaha ka soo horjeeda. |
Print
Email
