Contact Us

U DH N S

Dr Xussen Cali Axmed Gud: X DH N S

Radio VOA

.

Madaxweyne C/laahi Yusuf "Barlamaanka xaq uma laha in uu ansixiyaa qorshe aan aniga i soo marin"

21/11/2008 - C/laahi yuusuf Axmad madaxweynaha Soomaaliya ayaa gaashaanka ku dhuftay inuu ka horyimid shirka dib u heshiisiinta kooxaha Soomaaliya ay ku leeyihiin Dalka Jabuuti, wuxuuna warar been ah ku tilmaamay inuu soo jeediyay in shirka dib u heshiisiinta ee u dhexeeya dowladda iyo mucaaradka laga wareejiyo Djibouti, loona weeciyo dalka Liibiya.

Madaxweynaha oo u waramayay isagoo ku sugan Magaalada Nairobi idaacadda BBC-da ayaa waxa uu ku sheegay in Baarlamaanka KMG ee Somalia aanu dastuur ahaan xaq u lahayn in Ra'iisul wasaaruhu marsiiyo gole aynan heshiis ku ahayn Madaxweynaha iyo Ra'iisul Wasaaraha.

Madaxweynuhu wuxuu ugu horey si weyn u muujiyey in ay dalka jirto dawlad wuxuuna sheegay inay jirto waxa la yiraahdo Dawlada Federaalka KMG ah ee Soomaaliya taasi oo uu sheegay in ay tahay in uu dhisan yahay Madaxweynihii, Baarlamankii iyo Golihii Garsoorka, waxaase uu muujiyey inaanay jirin gole xukuumadeed oo la isku khilaafay in la dhiso Golaha Wasiirada.

“Baarlamanku xaq uma laha mana ansixin karaan umana laha sharci iyo xaq inay ansixiyaan gole wasiiro oo aan la isku raacsaneyn” ayuu ku yiri Madaxweynuhu wareysi uu maanta siiyey Idaacada BBC-da, isagoo dhanka kale gaashaanka ku dhiftay inaanu mad madow kala dhaxayn Dowlada Itoobiya.

C/laahi Yuusuf mar uu ka hadlayey arimaha dagaalada, xabad joojinta iyo ciidamada Itoobiyaanka ee la filayey inay baxaan ayuu wuxuu sheegay in ay muhiim tahay heshiiyadii dhexmarey dawlada iyo mucaaradka, waxaase uu sheegay in ay tahay wax laga xumaado wali dagaalo ay sii socdaa, isagoo tilmaamay in ka bixitaanka ciidamada Itoobiyaanka goobaha ay kaga sugan yihiin magaalada Muqdisho ay ku baaqatey dagaalada ay wadaan kooxaha hubaysan, wuxuuna sheegay inaanay aheyn wax isleh in qolo ay fuliso heshiiskii qolada kalena ay dagaal wado.

“Ciidamada Itoobiya waa dal aan walaalo nahay, oo aan darisna nahay, waa dad ciyaalkoodii ay ku le’deen Soomaaliya, walina diyaar u ah inay na taageeraan isla markaana ay dhiig u daadinayaan taageeradeena ay wali u diyaar yihiin, marka ma jirto wax xumaan ah oo inaga dhaxayso” ayuu yiri Madaxweyne C/laahi Yuusuf oo dhanka kale sheegay inuusan u jawaabayn Ra’iisul wasaare Nuur Cadde hadalkii ka soo yeeray ee ahaa Caqabad ayuu ku yhay Madaxweynha Nabadda Soomaaliya.

.

Dalka Furniture