|
 18/11/2008
- Kadib kulan ay Muqdisho ku yeesheen
maanta beesha Mudulod waxa ay si kulul u
weerareen Siyaasadaha guracan ee
Madaxweynaha ku hayo Ra'isal Wasaaraha ,
waxana ay sheegeen in dagaal la filayo hadii
Madaxweynaha sii wada damaciisa Siyasadeed
ee waalan.
Odayasha Beesha oo uu kulankoda ka dhacay
Hotelka Glopal waxaa ay shacabka beelweynta
Mudulood ugui baaqeen feejignaan in ay
muujiyaan xaaladaan deg deg ah.
Dhinaca kale Banaan bax ballaaran oo lagu
taageeray mowqifka Ra'iisul Wasaaraha
Soomaaliya Nuur Xasan Xuseen (Nuur Cadde)
ayaa maanta ka dhacay qeybo ka mid ah
Magaalada Muqdisho, iyadoo dadweyne fara
badan ay isugu soo baxeen wadooyinka
Waqooyiga Magaalada oo ah deeganada ugu
badan ee beeshaan ka dagto G/Banadir
Shacabka banaanbaxayey oo isugu jiray haween,
caruur iyo dad da' ah ayaa watay caleemo
qoyan, waxaana ay ay ku qeylinayeen hal ku
dhigyo taageero ah, iyagoona soo dhoweeyay
xukuumada cusub uu Ra'iisul Wasaaraha
yagleelay.
Banaan baxayaasha ayaa socod ku marayay
wadooyinka qeybo ka mid ah Degmooyinka
Gobolka Banaadir ee Waqooyiga Muqdisho sida
Isgoyska Sanca, SII SII, Beexaani, Fagax, C/casiis,
iyo Shibis.
Si kastaba Beesha Mudulood ayaa ay ka
go'antahay taagerada Nur Cadde af iyo adin. |
Print
Email
