Contact Us

U DH N S

Dr Xussen Cali Axmed Gud: X DH N S

Radio VOA

.

Kulan adag oo Adis'ababa uga bilawday Dowladaha xubnaha ka ah Urur-Gobaleedka IGAD si xal dhab ah looga gaaro Khilaafka Madaxweynaha iyo Ra'isal Wasaaraha.

18/11/2008 - Wasiirradda Arrimaha Dibedda ee lixda Waddan ee xubnaha ka ah Urur-gobaleedka IGAD, ayaa lagu wadaa inay kulan degdeg ah berrito ka yeeshaan Xaalladda dalka Somalia, xilli ay Madaxweynaha iyo Ra'isul-wasaaraha DFKMGS ku kala didsan yihiinQaab-dhismeedka Xukuumadda cusub ee lagu dhawaaqay.
Wararka laga helayo caasimadda dalka Ethiopia ee Addis Abeba, ayaa lagu sheegay inay Wasiiradda Arrimaha Dibedda ee Urur-gobaleedka IGAD berrito kulan gaar ah ka yeelan doonaan Xaalladihii ugu dambeeyey ee dalka Somalia, waxaana kulankaasi lagu baaqay kadib, markii ay Madaxweyne C/llaahi Yuusuf Axmed iyo Ra\'isul-wasaare Nuur Cadde ku fashilmeen kulan ay dhawaan ku yeesheen magaalladda Addis Abeba, oo ay kaga tashanayeen dhismaha Xukuumadda cusub.

Labada Hoggaamiye oo Jimcihii la soo dhaafay kulan ku yeeshay magaalladda Addis Abeba, waxa uu kulankooda ku dhamaaday iyagoo aan wax heshiis ah ka gaarin dhismaha Xukuumadda cusub, waxayna Labada Hoggaamiye midba midka kale ku eedeynayaa inuu ka mas\'uul yahay fashilka ku yimid wada-xaajoodkooda.

Kulanka ay Wasiiradda Arrimaha Dibedda ee dalalka xubnaha ka ah Urur-gobaleedka IGAD berrito ku yeelan doonaan magaalladda Addis Abeba, ayaa lagu wadaa in lagu gorfeeyo Xiisadaha siyaasadeed ee u dhexeeya Madaxda Sare ee DFKMGS iyo sidii ay Wasiiradda u gaari lahaayeen Go\'aan lagu xalin karin karo is-maandhaafka Madaxweyne Yuusuf iyo Ra\'isul-wasaare Nuur Cadde oo soo jiitamayey dhowrkii bilood ee la soo dhaafay.

Dowladda Ethiopia oo taageero siisa DFKMGS, ayaa mararka qaarkood awoodi jirtay inay xaliyaan Khilaafyadda Siyaasadeed ee ka dhexeeya Madaxweyne Yuusuf iyo Ra\'isul-wasaare Nuur Cadde, inkastoo ay Dowladda Ethiopia ku fashilantay xalinta khilaafka ka dhashay dhimaha Xukuumadda cusub ee Somalia.

Dhinaca kale, Shirweynihii ugu dambeeyey ee Hoggaamiyayaasha Dowladaha xubnaha ka ah Urur-gobaleedka IGAD ku yeesheen caasimadda dalka Kenya ee Nairobi, ayey isku waafaqeen in Xukuumadda cusub ee Somalia la so odhiso ka hor bishan 12-dii, inkastoo ay Madaxweyne Yusuuf iyo Ra\'isul-wasaare Nuur Cadde ku fashilmeen inay ku heshiiyaan dhismaha Xukuumadda cusub, si ay Nabad iyo Deganaansho loogu soo dabaalo dalka Somalia.

Urur-gobaleedka IGAD oo ay xubno ka yihiin dalalka Somalia, Jabuuti, Kenya, Sudan, Ethiopia, Eriteria iyo Uganda waxaa la asaasay sannadkii 1986-kii, waxayna Xaruntiisa dhexe ku taalla dalka Jabuuti.

.

Dalka Furniture