Contact Us

U DH N S

Dr Xussen Cali Axmed Gud: X DH N S

Radio VOA

.

Muuse Suudi: Dowladda Federaalka waxa ay ku dhisan tahay awood qeybsi, Qanyare: shir uu guddoomineynin Ra’iisal Wasaare Geeddi waxaa uu la mid yahay kulan ay qabteen Dalxa iyo Boqorre.

17 Oct 207 Baydhabo - Xildhibaan Muuse Suudi Yalaxow ayaa sheegay in Dowladda Federaalka ay ku dhisan tahay awood qeybsi, isla markaana Ra'iisul Wasaare Geeddi uu sharci ku yahay xubinimadiisa.

Xaaji Muuse ayaa si caro leh kaga jawaabay soo jeedinta 22 Wasiiro shiray oo ay ku tilmaameen Xukuumada mid dhacday oo laga doonayo in ay kalsooni weydiisato.

Xildhibaanka oo si weyn u difaacayay Ra'iisul Wasaare Geeddi ayaa sheegay in muranka taagan uu yahay awooda uu leeyahay Ra'iisul Wasaaraha oo sida muuqata uu tilmaamay in ay tahay mid aan la xaqiri karin.

"Wasiirada soo jeediyay in Xukuumada weydiisato Baarlamaanka kalsooni waa kuwo doonaya, in ay bur buriyaan Dowladda, fowdana ay abuuraan, wax ay u dhimi karan ma jirto Awooda Ra'iisul Wasaaraha"ayuu yiri Xaaji Muuse Suudi Yalaxow.

Muuse Suudi ayaa ku eedeeyay Madaxaweynaha Dowladda Soomaaliya inuu si qaldan uu u adeegsaday lacago badan oo soo galay Dowladda Kmg, isagoo aan xaq u laheyn buu yiri in wax lacago ah uu maamulo, balse uu xaq u leeyahay Ra'iisul wasaaraha in uu maamulo, uuna kala gaarsiiyo Wasaaradaha.

Hadalka Xaaji Muuse ayaa ku soo aadaya, xilli Xiisada ka tagaan Baydhabo ay cirka isku sii shareereyso, isla markaana Xildhibaanada Baarlamaanka ay ku sii kala qeybsamayaan fikirka ah in Xukuumada kalsooni weydiisato iyo in kale.

Dhanka kale waxaa kulankii shalay hadal kulul ka jeediyay Xildhibaan Maxamed Qanyare Afrax oo sheegay in ay wax aan sharci ku fadhin ahayd soo jeedin ka timid 22 wasiir oo ka tirsan 31-ka Wasiir ee Xukuumadda Federaalka Soomaaliya, kuwaasi oo uu shirkooda ku tilmaamay mid fowdo ah.

“Kulan ay qabtaan Xubno Wasiirro ah oo uusan shir guddoomineynin Ra’iisal Wasaare Geeddi waxaa uu la mid yahay kulan ay qabteen Dalxa iyo Boqorre (Guddoomiye ku xigeennada Baarlamaanka) iyadoo uu joogo Guddoomiyaha Baarlamaanka Shiikh Aadan Madoobe, kaasi sharci ma ahan ee waa mid fowdo ah, marka Wasiirrada haddii ay mooshin soo gudbinayaan ha u tagaano Ra’iisal Wasaarahooda, kadibna intey is-casilaan iyagoo Xildhibaano caadiya ah ha soo gudbiyaano mooshinka ay doonayaan”ayuu yiri Xildhibaan Maxamed Qanyare Afrax.