|
08/11/2008
- Wararka ka imaanaya magaalada B/Xaawo
ee gobolka Gedo ayaa sheegaya in xalay kooxo
hubeysan ay ku dileen nin Kenyaati ah oo
dhowaan soo Islaamay, kaasi oo markii la
dilayay ka soo baxayay Masaajid kuu
cibaadeysanayay.
Ninkaasi ayaa la sheegay inuu isagu ku
sugnaa maalmahaanba magaalada B/Xaawo,
waxaana la sheegayaa in kooxihii dilay ay
baxsadeen, kaddib markii ay afar xabadood
kala heleen madaxa iyo feeraha.
Magaalada B/Xaawo maamulka ka taliya Sarkaal
u hadlay ayaa sheegay inay ku raad joogaan
kooxihii dilay ninkaasi Kenyaatiga soo
Muslimay, waxaana la sheegayaa inay haatan
degan tahay xaaladda magaaladaasi.
Dhinaca kale magaalada B/Xaawo ayaa iyadu
noqotay mid habeenadii ugu dambeeyay faraha
ka sii baxayo, iyadoo xilliyada habeenadii
ay soo baxayaan kooxo isbaarooley ah oo
iyagu dadka ka furanaya wixii ay wataan,
gaar ahaan taleefoonada gacanta, lacag iyo
waxyaabaha kale ee fudud, tiiyoo aanay jirin
awood muuqata oo wax ka qabaneysa
dhibaatooyinka loo geysanayo dadka rayidka
ah. |
Print
Email
