|
08 Nov
2007 Muqdisho - War goor dhaweyd naga soo
gaaray deegaanka Suuqa Xoolaha Waqooyiga
Magaalada Muqdisho ayaa sheegaya in qax iyo
kala carar ku yimid dadka degaankaas kadib
markii Ciidamo Ethiopian ah oo aad u fara
badan soo galeen deegaanka iyadoo Ciidamo
cusubna saldhig ka dhigteen Xerada Maslax ee
isla deegaankaas.
Wararka ayaa sheegaya in la xiray dhamaan
goobihii Ganacsiga ee Suuqa Xoolaha, iyadoo
qof walba cagihiisa wax ka deeyay sida ay
sheegayan wararka, waxaana laga baqaya in
Ciidamada Ethiopianka ah falal laga naxo dad
u geystaan.
Dadka dhalinyarada ah, Waayeel, Dumar iyo
Caruur fara badan midna kuma harin
degaankaas saaka, iyadoo cabsida ugu weyn ay
tahay Ciidamada Ethiopianka halkaas kula soo
galay dabaabaadkooda
Ma jiraan wax iska hor imaad ah oo ilaa iyo
hadda ka dhacay Suuqa Xoolaha oo Ciidamadaas
soo galeen, waxaase laga cabsi qabaa in
dagaalo ka dhacaan halkaas. |
Print
Email
