Contact Us

U DH N S

Dr Xussen Cali Axmed Gud: X DH N S

Radio VOA

.

Safiirkii Dowladda Kmg ah ee Magaalada Addis Ababa Laqanyo oo ku soo biirayay Musharaxiinta dooneysa in ay qabtaan Jagada Ra'iisul Wasaarenimada.

08 Nov 2007 Addis Ababa - Safiirkii Dowladda Kmg u fadhin jiray Magaalada Addis Ababa C/kariin Faarax Laqanyo ayaa ku soo biiray Musharaxiinta u xuubsiibaneysa Jagada Ra'iisul wasaarenimada Soomaaliya.

Danjire Laqanyo ayaa muddo labo sano iyo bar ahaa Safiirka Soomaaliya u fadhiya Addis Ababa, isagoo haatan loo bedelay Dalka K/Afrika.

Marka loo eego Laqanyo siyaasad ahaan waa nin ay isku fiican yihiin Maamulka Addis Ababa, wuxuu ku sugan yahay Magaalada Addis, isagoona halkaasi ka wada olole xoogan oo uu ku doonayo inuu jagadaas ku qabto.

Isagoo ka faa'ideysanaya ahaanshaha beesha uu ka soo jeeda ee Hawiyaha ee ah Beesha xilkan awood qeybsi ahaan u heleysa, ayuu door bidayaa inuu xilkaas qabto.

Ma aheyn nin magaca ku leh Siyaasada Soomaaliya ninkaan da'da yar Waaya aragnimadiisa Siyaasadeed ayaa ka bilaabatay xiriir uu la sameeyay Dowladda Ethiopia mar uu Beled Weyn ka aas aasay Maamul Goboleed la magac baxay Midland, xilligaas wuxuu doonayay inuu ka soo muuqdo shaashadaha Hogaamiye Kooxeedyada Soomaaliya, wax yar kadib markii uu ka yimaaday Dibada waxa uu u baqoolay Deegaanada Is maamulka Soomaalida Ethiopia, halkaas ayuuna Hub iyo saanad Milateri uga soo qaatay Xukuumada Addis Ababa.

Wax yar kadib waxa uu Isbaheysi la sameystay Maxamed Dheere oo maamuli jiray Gobolka Shabeellaha Dhexe, taasoo aaqirkii Dowladii lagu soo dhisay Kenya ay saldhigatay Jowhar, intaa kadib ayaa loo magacaabay Safiirka Soomaaliya u fadhiya Addis Ababa.

Joogitaankiisa Addis Ababa ee haatan ayaa ah mid uu ku doonayo inuu ku helo Ra'iisul wasaarenimada Soomaaliya, bacdamaa xiriirka isaga iyo Xukuumada Ethiopia uu aad u wanaagsan yahay, waana ay dhici kartaa inuu helo jagadaas.

Waa Nin marka laga eego aqoontiisa ay u sahli karto jagada Ra'iisul Wasaarenimada, waxa uuna ka soo jeedaa Beesha Xawaadle ee degta Gobolada Dhexe, gaar ahaan Hiiraan.

Sidoo kale Magaalada Addis Ababa waxaa ku sugan Prof. Axmed Jimcaale Axmed oo isna loo wado Jagada Ra'iisul Wasaarenimada, waxaana la sheegayaa in ninkan ay si gaar ah u wadato Dowlada Mareykan, waana Macalim jaamacad ku taal Mareykanka wax ka dhiga.

C/kariin Faarax Laqanyo ayaa noqonayo shaqsigii 3aad ee isu soo sharxa Jagada Ra'iisul Wasaarenimada Soomaaliya.

.