|
06 Nov
2007 Muqdisho - Meydadka Labo ruux oo ay
rasaasi ka muuqato, isla markaana ka xiran
gacmaha iyo Lugaha ayaa saaka lagu arkay
Nawaaxiga Warshadii Taraqa iyo Sigaarka ee
Degmada Hodan.
Meydadka Labadan ruux oo da' ahaan u
dhaxeeya 20 ilaa 30 sano ayaa la rumeysan
yahay in gacmaha iyo lugaha laga soo xiray
ka hor intii aan la toogan Labadaas Marxuum.
Lama oga cidda ay yihiin labadan nin ee sida
muuqatay korkooda oo dhan lagu arkayay
rasaas, dhawr meel loogu dhuftay, sidoo kale
lama oga cida dilkooda ka dambeysay.
Xitaa lama arag ilaa iyo hadda cid garatay
meydadkan, hase ahaate dad fara badan ayaa
ku soo xoomay goobta meydadkan la soo dhigay
oo ah ka soo horjeedka Warshaddii Taraqa iyo
Sagaarka.
Dadka qaarkiis ayaa waxay sheegayan in
labadan meyd ay rumeysan yihiin in dilkooda
ay ka dambeeyan Ciidamada Ethiopia ama kuwa
Dowladda Federaalka, hase ahaate lama huba
warkaas.
Labadii Maalmood aynu soo dhaafnay ayaa
Magaalada Muqdisho meelo ka mid ah lagu
arkay meydad qaarkood la gowracay, qaarna ay
rasaas ku tiil, waxaase arrimahan oo idil ay
ku soo beegmeysaa, xilli xaaladaha ka
aloosan Magaalada ay noqonayaan kuwi sii
laba jibaarmaya. |
Print
Email
