|
 06
Nov 2007 Muqdisho - Ciidamada Ethiopia ee
wali sida hirkii oo kale ugu soo qul qulaya
Magaalada Muqdisho ayaa saaka dhaq dhaqaaqyo
kii ugu baaxada weynaa ka bilaabay xaafadaha
ku teedsan Jidka Warshadaha, halkaasoo
maanta Muqdisho inteeda kale ay ka go'an
yihiin.
Ciidamo fara badan oo Ethiopian ah ayaa
saaka ku waabariistay Xaafadaha Towfiiq,
Gubta, Miisaanka Dhuxusha iyo dhamaan
agagaarada Wadada warshadaha oo ay xireen
Ciidamadu.
Boqolaal ruux ayaa saaka la arkayay, iyagoo
lugahooda maalaya kana soo wareegsanaya
wadada soo hor marta Isgoyska Fagax kadibna
soo mara Suuq Bacaad halkaas oo ay uga soo
gudbayeen suuqa weyn ee Bakaaraha kadib
markii Ciidamada dalka Ethiopia isku
gadaameen dhamaan xaafadaha ku teedsan
agagaarka Wadada Warshadaha.
Howlgalkan cusub ee saaka fulinaya Ciidamada
cusub ee Ethiopianka soo galay Magaalada
Muqdisho ayaa waxaa shaaciyay Guddoomiyaha
Gobolka Banaadir ahna Duqa Magaalada
Muqdisho Maxamed Dheere wuxuuna si cad u
cadeeyay in Xaafadaha ku teedsan Wadada
Warshadaha howl gal adag laga bilaabi doono
maanta.
Boqolaal ka tirsan Ciidamada Ethiopia ayaa
lagu daadiyay Xaafado dhowr ah oo
todobaadkii la soo dhaafay ay kala kulmeen
iska caabin xoogan, waxeyna Ciidadmo is
heystaan Ex Ctrl Balcad ilaa Ex Ctrl Afgooye
oo ah Labada wado ee Muqdisho uga kala
yimaada Gobolada Shabeelaha Hoose iyo
Shabellaha Dhexe.
Dadka qaar ee saaka u suura gelin in ay
guryahooda ka soo baxaan ayaa ka cabsi qaba
in Howl galada cusub ee ay wadaan Ciidamada
Ethiopia ay ka dhalato iska caabin lagala
hor yimaado, taasoo noqota dagaalo qaraar oo
ka dhaca qeybo ka mid ah magaalada Muqdisho. |
Print
Email
