|
 05/11/2008
- Kooxaha burcad badeeda Somalida ee uu
gacanta ugu jiro markabka lagu magacaabo Mv
Yasa Neslihan ayaa dalbaday in laga
markabkaasi laga siiyo lacago madax furasho
ah oo gaareysa illaa iyo 8 Million oo $ si
ay usii daayaan markabka iyo shaqaalaha
saaran oo gaaraya 20 badmaax.
Wargeyska Hot News Turkey oo ka soo baxa
magaalada Ankara ee xarunta wadanka Turkiga
ayaa asagoo soo xiganayay ilo wareedyo ku
sugan gudaha wadanka Somalia ayaa sheegaya
in kooxaha ay markabka ku heystaan qeybo ka
mid ah gobolada waqooyi bari ee dalka
Somalia.
Markabkaan ayay kooxaha burcad badeeduka
qafaasheen gacan biyoodka Cadmeed
dabayaaqadii todobaadkii hore.
Xukuumada Ankara ayaa ka dalbaday wadamada
isbaheysiga Nato inay ka gacan siiyaan sidii
loo soo furan lahaa markabkaasi iyo
shaqaalaha saaran.
Kooxaha Somalida ee baddaha wax ka afduubta
ayaa sanadkan oo qura waxay xeebaha Somalia
iyo Yemen isku xira ka geysteen ku dhawaad
boqol weerar ayagoona gacanta ku dhigay in
ka badan 30 markab oo ay lacago madax
furasho ah ka qaateen. |
Print
Email
