|
03/11/2008
- Xildhibaanka oo la hadlayey mid ka mid
ah idaacadaha Muqdisho ayaa shaaca ka qaaday
in xaalada Madaxweyne C/laahi Yusuf ay tahay
mid liidata , waxaana uu sheegay in u ku
furmay dhiig maskaxda caqligidan uusan
tamaam ahayn.
“Marka 1-da duhurnimo la gaaro ma arkeysid
madaxweynaha, waxaana dadka doonaya in ay la
kulmaan ka hor istaaga gacan-yarayaashiisa
iyo ilaaladiisa, xiligaasna waxaa la siiyaa
oo uu qaataa dawooyin”ayuu yiri Xildhibaan
Cabdalla Xaaji.
Cabdlada Xaaji ayaa sidoo kale ka
shanqariyey in ay muhiim tahay in
madaxweynahaa Baarlamaanka hor yimaado,
kadibna uu ka warbixiyo xaaladdiisa
caafimaad, wuxuuna sheegay in madaxweynaha
ay ku adag tahay in uu guto waajibaadka
madaxweynenimo ee saaran xiligaan wixi ka
dambeeya.
Dhinaca kale Afhayeenka Madaxweynaha Xuseen
ayaa jawaab kulu ka bixiyey hadalka
Xildhibanka waxaana uu sheegay in ay jiraan
Xildhibaano caadeystay in ay mar kasta
madaxweynaha ka fidiyaan dacaayado iyo warar
aan jirin.
Xuubsireed ayaa ugu baaqay Xildhibaannadaas
in ay howshooda gutaan, isla markaana ay
iska daayaan warar aan jirin ee ay ka
fidinayaan madaxda Dowladda Federaalka
Soomaaliya, kuwaasi oo uu sheegay in ay ku
weyn karaan xildhibaannimadooda.
“Haddii xaaladda caafimaad ee madaxweynaha
cid wax laga weydiinayo waxaa la weydiin
karaa Dhaqaatiirtiisa, laakin waxaan idiin
xaqiijinayaa in caafimaadka madaxweynaha uu
wanaagsan yahay”ayuu si kulu u yiri Xuseen
Xuub-sireed.
Si kastaba Warar madax banaan ayaa sheegaya
in Madaxweynaha uu ku wajahanyahay dhanka
london si uu ula soo kulmaa dhaqaatiirtiisa
oo sanadki mar arkaa laakin waxaa la
sheegayaa markaan in uu tagayo xiligii loogu
talagalay ka hor |
Print
Email
