|
 02/11/2008 -
Nuur Xasan Xuseen Ra’isalwasaaraha Dawlada
Federaalka KMG ayay wararka ka imaanaya
Magaalada Nairobi sheegayaan inuu ku
Mashquulsan yahayy wadahadalo uu la leeyahay
qaar ka mid ah siyaasiyinta iyo xiriiro uu
la soo samaynaayo waxgaradka Beelaha kala
duwan ee Soomaaliyeed.
Ra’iisul Wasare Nuur Cadde ayaa qorsheynaaya
in Xukuumadiisa Cusub uu ku soo daro kooxaha
Mucaaradka ee ay ku gaareen heshiska dhawaan
Magaalada Jabuuti, kuwaasi oo xukuumadda
cusub ee la soo dhisayo ka helaaya xubno
muhiim ah.
Nuur Cadde ayaa sheegay in Xukuumadiisa
cusub uu soo dhisayo muddo aan ka badnayan
15-Maalmood gudahood, wuxuuna sheegay inuu
ku soo darayo qaar ka mid ah xubnaha
Mucaaradka, isagoo cadeeyay sidoo kale in
xuuumadiisa uusan ku soo darayn wasiradii
iska asilay xilalkooda.
Ra’iisul Wasaaraha Soomaaliya ayaa waqtigaan
ku howlan inuu soo dhiso xukuumad tayo leh
oo ay ka muuqdaan kooxaha Mucaaradka,
wuxuuna Nuur Cadde u muuqdaa mid Beesha
Caalmka ku soo jeediyay sida uu doonayo inay
xukuumadaasi u noqotaa mid hesha kalsoonida
Beesha Caalamka. |
Print
Email
