|
01 Nov
2007 - Meydka Haweenay dhalinyaro ah oo
jirkeeda uu ka muuqdo dhaawacyo daran, ayaa
saakay lagu arkay Xeebta Sugunta Liido ee
Degmada Xamar-weyne ee Magaalada Muqdisho.
Haweeneydan oo da’deeda lagu qiyaasay
20-ilaa 23 sano, ayaa sida ay dadka
deegaanku sheegeen waxaa jirkeeda qeybo ka
mid ah ka dareerayey dhiig fara badan,
iyadoona u muuqatay qof goor dhow lasoo
dilay oo xeebta lagu soo tuuray.
Ciidamo ka tirsan Dowladda Kmg ayaa
durbadiiba gaaray xeebta Sugunta Liido oo ah
halka meydka Haweeneydaasi lagu arkay saakay,
iyagoona bilaabay baaritaano ay ku
sameynayaan dhacdadan arxanka daran.
Meydka Gabadhaasi oo aroornimadii hore ay
Badda ka soo saareen Kaluumaysatada
Doonleyda ee ku kalahda Badda, ayaa ilaa iyo
haatan aysan jirin cid aqoonsatay.
Dhacdadan ayaa waxaa si aad ah uga argagaxay
shacabka ku dhaqan Degmada Qadiimiga ah ee
Xamar weyne ee Magaalada Muqdisho, oo ku
tilmaamay mid arxan xumo ah oo ka baxsan
Shareecada Islaamka |
Print
Email
